- Tíðindi, mentan og ítróttur
Nú verða mentanarvirðislønir landsins 2025 handaðar

Tað er hátíðardámur á Eiði í kvøld, nú mentafólk eru savnð í bygdini til handanin av mentanarvirðislønum landsins.
Tað gekk ein løta, áðrenn tey sluppu framat, tí tað vóru onkrar avbjóðingar at avgreiða Gekkin.
Eiðismaðurin Eiriku í Jákupsstovu, ið er landsstýrismaður í mentamálum, er vertur og hann bjóðaði eisini vælkomin við gongutúri gjøgnum heimbygdina.
Tríggjar virðislønir verða handaðar:
Mentanarvirðisløn landsins, sum er 150.000 kr. Hon verður latin fyri at heiðra føroyskt mentafólk sum tøkk fyri útint listarligt avrik.
Heiðursgáva landsins, sum er 75.000 kr. Hon verður latin teimum, ið hava virkað til frama fyri mentanarlig virði, sum hava týdning fyri føroyska mentan, list og mentanararv.
Serstøk virðisløn, sum er 50.000 kr. Hon verður latin listafólki, mentafólki ella felagsskapi eftir landsstýrisfólksins egnu avgerð.
Fyrstu framførsluna hevði spennandi bólkurin Kalas.




























