- Tíðindi, mentan og ítróttur
Færri ætla at taka hægri útbúgving í Føroyum
Færri ætla at taka hægri útbúgving í Føroyum
Bara 16 prosent av næmingunum vilja lesa í Føroyum. Nógv tey flestu, 68 prosent, ætla sær til Danmarkar
Bara 16 prosent av spurdu miðnámsskúlanæmingunum siga, at tey ætla at taka hægri útbúgving í Føroyum, vísir kanningin hjá Glasi.
24.11.2025 - 13:26
Talið av ungum, sum ætla sær undir hægri útbúgving í Føroyum, minkar.
Bara 16 prosent av næmingunum vilja lesa í Føroyum. Restin, 83 prosent, ætlar sær av landinum, og nógv tey flestu, 68 prosent, ætla sær til Danmarkar.
Tað vísir nýggj kanning hjá Glasi millum elstu miðnámsskúlanæmingar á miðnámsskúlunum um landið.
Tilsamans ganga fleiri enn 500 miðnámsskúlanæmingar á triðja ári, og 236 av teimum vóru við í kanningini.
Tað er ikki fyrstu ferð, at Glasir skipar fyri slíkari kanning.
Finn Jensen.
Í 2015 vóru 29 prosent av miðnámsskúlanæmingunum á triðja ári, sum valdu Føroyar.
Í 2017 vóru tey munandi fleiri, tá 40 prosent valdu Føroyar. Í 2023 var talið 20 prosent og í 2024 22 prosent.
Og nú í ár er talið 16 prosent.
Gongdin er ørkymlandi, heldur Finn Jensen, dekanur á Glasi.
Hoyr innslag í útvarpstíðindunum, har samrøður eru við Finn Jensen og Victoriu Mote, næmingaráðsforkvinnu á Miðnám á Kambsdali:
24112025_Faerri_velja_Foroyar
Er kopiera
Nýggjastu sendingar í ÚV
Nýggjastu sendingar í SV
