Uttanlandsnevndin sent boð eftir landsstýrisfólkum

Landsstýriskvinnan í uttanríkis- og mentamálum og landsstýrismaðurin í tilfeingis- og vinnumálum eru boðsend at ráðføra seg við uttanlandsnevndina seinnapartin.

Ráðførslan er um fiskiveiðusamráðingar.

Ikki verður sagt, hvørjar fiskiveiðusamráðingarnar eru.

Men í gjár gjørdu Noregur og Russland semja um fiskiskapin í Barentshavinum næsta ár.

Og hesari semjuni hevur landsstýrið sum skilst bíðað eftir, tí Føroyar skulu samráðast við Russland um Barenstshavið næsta ár.

Og landsstýriskvinnan í uttanríkismálum er við í ráðsførsluni.

Samráðingar skulu eisini vera við Noreg um Barentshavið.