Nýggjár á Quiztinum 2025

Tey hava øll gjørt vart við seg í árinum, ið fer. Tingkvinnan Eydis Hartmann Niclasen, ið gjørdi støðu sína greiða í fosturtøkumálinum, og Ben Arabo, ið er formaður í nýskipanarnevndini hjá løgmanni. Og tey kappast móti fyrrverandi tinglimunum Beintu Løwe, ið ikki stillaði upp aftur á løgtingsvalinum seinast, og Sólvit Nolsø, sum fór úr politikki í ár.

Nú hava tey eisini roynt seg sum høvundar. Beinta við bókini "Tá ið fólkaræðið verður rakt av sjúku", og Sólvit við ævisøguni um fótbóltshetjuna Toda Jónsson.

Tú kanst eisini royna teg og tína vitan um 2025. Spurt verður um mánaðir í árinum, føroyskan tónleik, ítrótt og eina ørgrynnu av øllum møguligum og ómøguligum spurningum, ið hava samband við 2025.

Nýggjár á Quiztinum verður send í útvarpinum nýggjársaftan klokkan 17, og sendingin kann hoyrast á heimasíðu Kringvarpsins nýggjársaftan klokkan 18.