Jarðfeingi mælir til fleiri royndarboringar við Skarvanes

Jarðfeingi staðfestir "stóra tektoniska fold í jarðfrøðini út fyri Skarvanesi," og mælir tí til fleiri royndarboringar 

Beint fyri jól var 1. viðgerð  av uppskotinum til løgtingslóg um fyrireiking, prosjektering og útboð av Suðuroyartunlinum við tilhoyrandi tunnilskervum og vegakervum á skránni í løgtinginum.

Tá segði løgmaður á tingsins røðarapalli, at ongar reyður lampur lýsa í samband við váðan at bora úr Djúpadali til Sandvíkar.

Men í nýggju jarðfrøðiligu frágreiðingini um Suðuroyartunnilin, sum nú er løgd fram, varpar Jarðfeingi nýtt ljós á økið kring Skarvanes, har ætlaða tunnilsleiðin 1A skal vera.

Jarðfeingi ,Niels Christian Nolsøe, stjóri,

Størri óvissa

Frágreiðingin staðfestir nevniliga eina stóra asymmetriska fold/ein faldur, sum liggur í tí økinum.

Jarðfeingi sigur í niðurstøðuni, at økið má kannast nærri, tí tunnilin, sambært linjuføringini 1A, fer gjøgnum hetta økið tríggjar ferðir, og tí er størri óvissa um jarðfrøðina, enn áður hildið.

Jarðfeingi sigur beinleiðis, at økið má kannast nærri, og mælir til, at gjørdar verða fýra nýggjar boringar.

Harvið er grundarlagið at velja leiðina úr Djúpadali ikki nóg fullfíggjað enn, og sum Jarðfeingi mælir til at kanna nærri. 

Hoyr meira her: