Loyvi at skjóta í fýra ár aftrat

Loyvið at skjóta grágás skal vara í fýra ár aftrat.

Loyvið, sum kom í 2021, var galdandi til 1. januar í ár.

Men uppskot er gjørt um lógarbroyting, so loyvið varar til 1. januar 2030.

Uppskotið er til hoyringar til 1. februar.

Í 2021 bar til at skjóta grágæs, sum eru í veltum lendi og gera skaða har.

Umhvørvis- og Vinnumálaráðið legði heimildina at geva loyvi til at skjóta til Búnaðarstovuna at umsita.

Og Búnaðarstovan hevur gjørt umsóknarbløð, leiðbeining og kunningartilfar, sum eru á heimasíðuni hjá stovninum.

Treytin er, at Búnaðarstovan fær at vita um skotnar gæs hvørt ár. Annars fellur loyvið burtur.

Øll villgásasløg eru annars friðað í Føroyum.

Talan er tí um undantaksloyvi til at skjóta grágás í veltum lendi.