- Tíðindi, mentan og ítróttur
Lat náttúruna seta ferðina niður

Bláur himmal, gras, vindur og dagsljós.
Hetta og annað, sum vit kunnu uppliva úti í náttúruni, hevur sera góða ávirkan á okkum. At vera úti í náttúruni kann beinleiðis virka lekjandi á kropp og sinn.
- Tað ber til at máta í blóði og spýtti, at kortisolinnihaldið í kroppinum fellur munandi, bara 20 minuttir eftir at tú ert komin út í náttúruna, sigur Jensia Brodersen í útvarpssendingini, Heilsuhornið.
Hon er námsfrøðingur, gestaltterapeutur og náttúruterapeutur. Saman við Róu Midjord hevur hon fyritøkuna Náttúruterapi, har tær arbeiða bæði við náttúrugrundaðari terapi og heilsufremjan.
Jensia Brodersen er ikki í iva um, hví flest øll okkara kenna okkum væl eftir at hava verið úti í frískari luft eina løtu. Helst onkrastaðni har eingir bilar eru, og bara friður og náttúruljóð valda.
- Náttúran setir eingi krøv til okkum. Har kunnu vit vera, júst sum vit eru. Og tað ger nakað við okkum, sigur Jensia Brodersen.
Tú kanst hoyra sendingina Heilsuhornið her.






















