Fiskimannafelagið í Fasta gerðarrætt við Reiðarafelagnum

Fiskimannafelagið er farið í Fasta gerðarrætt við Reiðarafelagnum.

Fiskimannafelagið vil hava Reiðarafelagið at viðurkenna, at limir í Fiskimannafelagnum, sum hava verið við skipum hjá Faroe Origin, hava krav um lutfalsliga part av søluágóðanum í sambandi við, at Faroe Origin avhendi kvotur í 2023.

Fasti gerðarrættur hevur eitt annað mál um Faroe Origin.

Maskinmeistarafelagið vil hava Fasta gerðarætt at tulka sáttmálan, sum felagið hevur við Reiðaragfelagið.

Maskinmeistarafelagið vil vita, um tað hevur rætt til at fáa upprunalig roknskaparskjøl hjá Faroe Origin, um avskrivingar fyri ísmaskinu er loyvdur frádráttur og, um frádráttur fyri brenniolju skal gerast upp túr fyri túr fyri ta olju, sum er brúkt á einstaka túrinum.

Hetta málið er frá juli 2024, men tað er ikki avgreitt í Fasta gerðarrætti enn.