Velja í Hoyvík í staðin fyri á Hálsi

Fólk á Hvítanesi og á Sundi skulu velja í Hoyvík og ikki í høllini á Hálsi í Havn.

Tað fer Tórshavnar býráð at samtykkja í dag.

Í øllum førum tekur fíggjarnevndin einmælt undir við uppskotinum hjá kommunustjóranum.

Tað er tó landsstýrið, sum eigur endaligu avgerðina um valstøð.

Á Hvítanesi búgva 107 fólk og eitt á Sundi. 

Eftir løgtingsvalið í 2022 var Hoyvík góðkend sum sjálvstøðugt valstað.

Og nú Hoyvík er skipað sum valstað, eiga veljarar á Hvítanesi og á Sundi at velja har, sigur kommunan.

Mett verður ikki, at tað fer at kosta eyka at broyta valstaðið.