Frítekst tagging:
- Tíðindi, mentan og ítróttur
32 ungdómspolitikarar farnir til verka
32 ungdómspolitikarar farnir til verka
Ungdómsting er í løgtinginum í dag og í morgin
Ungdómstingið 2026 var sett fyrrapartin.
Mynd: Bjarni Árting Rubeksen
03.02.2026 - 13:31
Ungdómstingið 2026 var sett fyrrapartin, og 32 næmingar úr sjey skúlum manna saman við løgtingsforkvinnuni tingið.
Tilsamans komu 28 uppskot inn, og níggju vóru vald burturúr.
Tey eru m.a. um bíligari menstruatiónsvørur, koyrikort til 17 ára gomul, aldursmark fyri at brúka snildfonir og sosialar miðlar, pensjónsaldur, og um at lækka valaldurin til kommunuval niður í 16 ár. Eisini er eitt uppskot um at raðfesta Suðuroyartunnilin hægri fíggjarliga.
Sissal Ellendersen er næmingur í Tvøroyrar skúla. (Mynd: Bjarni Árting Rubeksen)
Tríggjar nevndir skulu viðgera uppskotini eftir fyrstu viðgerð. Tær eru rættarnevndin, trivnaðarnevndin og mentanarnevndin.
Seinnapartin í morgin sleppa ungu tingfólkini at spyrja løgmann og landsstýrisfólkini.
Sigrun Eyð Halldórsdóttir Fossádal er næmingur í Skúlanum við Løgmannabreyt. (Mynd: Bjarni Árting Rubeksen)
Hoyr innslag í útvarpstíðindunum, har samrøður vóru við Sigrun Eyð Halldórsdóttir Fossádal úr Skúlanum við Løgmannabeyt og Sissal Ellendersen í Tvøroyrar skúla:
03012026_Ungdomsting
Teir sjey skúlarnir, sum hava næmingar í ungdómstinginum hesa ferð, eru Sandoyar meginskúli, Runavíkar kommunuskúli, Skúlin á Skúlatrøð, Tvøroyrar skúli, skúlin á Fløtum, skúlin við Løgmannabreyt og Sørvágs skúli.
Ungdómsting er annað hvørt ár. Fyrstu ferð var í 2006.
Er kopiera
Nýggjastu sendingar í ÚV
Nýggjastu sendingar í SV
