- Tíðindi, mentan og ítróttur
Lestraríbúðirnar á Eirargarði verða ikki lidnar til skúlársbyrjan í ár
Lestraríbúðirnar á Eirargarði verða ikki lidnar til skúlársbyrjan í ár
Um nakrar vikur verður byggiarbeiðið boðið út, og tá fæst neyvari at vita um tíðarætlan
Eirargarður 2 skal umbyggjast til lestraríbúðir.
13.02.2026 - 12:10
Arbeiðið at umbyggja Eirargarð 2 til lestrarbústaðir verður ikki liðugt til skúlaársbyrjan 2026. Í løtuni er óvist, nær tað verður, men tað verður helst nærri skúlaársbyrjan í 2027.
Tað sigur Jógvan Ósá, stjóri í Bústøðum.
Um nakrar vikur verður byggiarbeiðið boðið út, og tá fæst neyvari at vita um tíðarætlan.
Áðrenn umbyggingin av Eirargarði 2 kann byrja, er neyðugt at broyta byggisamtyktina fyri økið. Tað er um at vera liðugt.
Sjúkraflutningstænastan heldur til á niðastu hædd í bygninginum.
Sjúkraflutningstænastan heldur til í niðastu hædd á Eirargarði 2. Tað er greitt, at hon flytur úr bygninginum, meðan hann verður umbygdur, men um sjúkraflutningstænastan flytur aftur á Eirargarð, er ógreitt.
Hoyr innslag í útvarpstíðindunum:
1302026_Eirargardur
Er kopiera
Nýggjastu sendingar í ÚV
Nýggjastu sendingar í SV
