Málini detta ikki burtur fyrr enn valdagin

Hóast løgtingsval er ásett at vera 26. mars, detta málini, sum eru í tinginum, ikki burtur fyrr enn sjálvan valdagin.

Løgtingið skrivar á heimasíðuni, at vanliga heldur alt vanligt tingarbeiði uppat, tá val er útskrivað.

Bara mál, sum neyðugt er at viðgera, vera viðgjørd.

Løgtingið hevur fullar heimildir til at viðgera mál fram til valdagin. 

Tí er einki til hindurs fyri, at løgtingið, eftir at løgmaður hevur skrivað út val, kemur saman til at viðgera mál, sum ikki kunnu bíða, til nýggja tingið tekur við.

Eisini í heilt serligum førum kann løgtingið viðgera mál, sum hava bráðskund og ikki tola at bíða, heilt fram til nýggja tingið er sett. 

Nývalda tingið kemur saman til fundar kl.10.00 tólvta yrkadagin eftir løgtingsvalið, uttan so at løgmaður ikki longu hevur boðað til fundar. 

Tólvti yrkadagur eftir komandi løgtingsval er mánadagin 13. apríl.