- Tíðindi, mentan og ítróttur
Føroyskur skipari: Eiga at sleppa at velja á Vanganum
Føroyskur skipari: Eiga at sleppa at velja á Vanganum
Emil Nolsøe og sjey aðrir føroyingar á grønlendskum skipi sleppa ikki at velja, og brævatkvøðurnar hjá teimum fara tí fyri skeytið
Emil Nolsøe sigur, at teir hava gott netsamband, og tí átti at borið til at atkvøtt talgilt.
17.03.2026 - 12:20
Nú valið av álvara stundar til, eru sjómenn, sum vóru farnir avstað, tá valið var útskrivað, og tí ikki fingu brævatkvøtt, áðrenn teir fóru.
Nakrir teirra eru í tí støðu, at teir koma ikki aftur í havn, fyrr enn valið hevur verið, ella tá tað er ov seint at velja.
Ein teirra er Emil Nolsøe, skipari á grønlendskum skipi, sum saman við sjey øðrum føroyingum, er júst í nevndu støðuni.
Tí fara atkvøðurnar hjá teimum fyri skeytið, sjálvt um teir fegnir vildu sloppið á val.
Emil Nolsøe.
Emil Nolsøe heldur, at teir áttu at sloppið at valt á Vanganum.
Men sambært Hilmari Høgenni, deildarstjóra í Uttanríkis- og mentamálaráðnum, er einki at gera.
Lógin sigur, at brævatkvøðan skal vera fysisk.
Hoyr innslag í útvarpstíðindunum:
17032026_Emil_um_braevatkvodu
Er kopiera
Nýggjastu sendingar í ÚV
Nýggjastu sendingar í SV
