Ása Olsen nýggj forkvinna í MEGD

Ása Olsen, fyrrverandi leiðari í Heilsuhjálparafelagnum í fleiri ár, er nýggj forkvinna í MEGD.

MEGD hevði aðalfund í gjárkvøldið, og har skuldi nýtt forfólk veljast, tí Ruth Thomsen, sum annars var forkvinna, legði frá sær í fjør.

Tá tók Ása Olsen við sum virkandi forkvinna, og tí skuldi forfólk veljast av nýggjum, nú aðalfundurin var.

Ása Olsen var tann einasta, sum stillaði upp til tóma sessin, og tí var hon í grundini vald uttan val.