Fíggjarmálaráðið sleppur ikki í landsrættin við útskurði um umval í Runavík

Procesbevillingsnævnet vil ikki loyva Fíggjarmálaráðnum at fara í landsrættin við málinum um steðgandi virkna av umvalinum í Runavíkar kommun. 

Procesbevillingsnævnet metir ikki, at treytirnar eru loknar, og kann sostatt ikki ganga umsóknini frá Fíggjarmálaráðnum á møti. 

Í slíkum úrskurðum verður ikki grundgivið fyri avgerðini. 

21. novembur í fjør boðaði táverandi Løgmálaráðið frá, at umval skuldi vera í Runavíkar kommunu, tí løgreglan hevði reist ákæru móti einum fólki um valsvik á kommunuvalinum árið fyri.

Jónas Tór Næs

Umvalið var fyribils av ongum, tí 9. januar gav Føroya rættur fimm býráðslimum viðhald í, at umval ikki skuldi vera, fyrr enn málið um valsvik var viðgjørt í Føroya rætti. 

SÍ EISINI: Valstýrisformaðurin í Oyndarfirði fríkendur fyri at fremja valsvik

Fíggjarmálaráðið boðaði tó beinavegin frá, at tað fór at søkja Procesbevillingsnævnet um loyvi at skjóta málið um steðgandi virknaðin inn fyri landsrættin. 

Sjálvt rættarmálið millum teir fimm kommunustýrislimirnar og Fíggjarmálaráðið um avgerðina at ógilda kommunuvalið í Runavíkar kommunu í 2024 og skriva út umval, heldur fram í Føroya Rætti.

Jónas Tór Næs er advokatur hjá Fíggjarmálaráðnum:

Í málinum um valsvik, so bleiv ákærdi valstýrisformaðurin fríkendur fyri at hava framt valsvik, men Ákæruvaldið valdi at skjóta úrskurðin inn fyri landsrættin. 

SÍ EISINI: Ákæruvaldið kærir dómin um valsvik