Sjúkrahúsverkið: Dialysa eigur ikki at spjaðast ov nógv

Sjúkrahúsverkið ávarar ímóti at spjaða dialysuviðgerð út á fleiri staðir í landinum. Tað kann ganga út yvir fakliga støðið, sigur Tummas í Garði, varastjóri.

Útsøgnin kemur, eftir at Nýrafelagið í Degi og Viku í gjár vísti á, at dialysusjúklingar úr Norðoyggjum brúka upp til tveir tímar hvønn vegin til viðgerð í Havn.

Men Herluf Vang, stjóri í Auto, sum stendur fyri flutninginum, sigur, at ferðin í mesta lagi tekur ein tíma og eitt korter.

Nýrafelagið vísir eisini á, at dialysutilboðið í Suðuroy hevur riggað væl, og heldur, at líknandi tilboð eigur at vera í Klaksvík.

Sjúkrahúsverkið heldur tó, at tað bæði fakliga og fíggjarliga er betri at savna viðgerðina, heldur enn at spjaða hana kring landið.

Hoyr innslag í tíðindunum á nátturða her: