SEV missir einkarrættin at selja streym

Privat feløg skulu frameftir kunna selja streym í heildarloysnum, og soleiðis missir SEV einkarrættin at selja brúkarunum streym.

Frameftir skal SEV kunna selja streym í heilsølu, so feløg kunnu keypa og selja streym víðari til brúkaran.

Tað er ein partur av samgonguskjalinum, sum varð undirskrivað fyrrapartin.

Í samgonguskjalinum stendur, at "SEV keypir og selur alla elorku, ið verður flutt á elnetinum hjá SEV. Sølan fer fram í heilsølu ella smásølu. Tað skal vera gjørligt hjá privatum feløgunum at veita heildarloysnir til privatbrúkarar."

Tað vil siga, at um tú til dømis keypir eina hitapumpu, skal veitarin eisini kunna selja tær streymin.

Hetta var annars eitt mál, sum undanfarna samgonga ikki kom á mál við.