Mentanin setir dagsskránna í Runavíkar kommunu alla vikuna

Í gjár setti Petur Hansen, formaður í mentanarnevndini í Runavíkar kommunu, árligu mentanarvikuna í kommununi. 

Og sigast kann ikki annað, at nógv er at fara til.

188 tiltøk eru at fara til, og mentanarvikan, sum byrjaði við setanini, endar við einar útseldari konsertrøð við norsku Sissal Kirkjubø. Leygardagin og sunnudagin hevur hon ikki færri enn seks útseldar konsertir í Løkshøll. 

Út í hvønn krók

Hesa vikuna, ið mentanarvikan er í Runavíkar kommunu, kunnu fólk uppliva listaframsýningar, fyrilestrar, gongutúrar, filmar, tónleik, undirhaldi og nógv annað.

Og málið er at hava okkurt at bjóða øllum aldursbólkum, og at kom út í hvønn krók í stóru kommuni, sum fevnir um 15 bygdir.

Fleiri spennandi kirkjukonsertir eru við eitt nú Guðrið Hansdóttir í Rituvíkar kirkju, Eyðun Nolsøe í Oyndarfjarðar kirkju og Lív og Tróndur í Elduvíkar kirkju. 

Og so verður eisini møguleiki at fara niður í Eysturoyartunnilin, fara pílagrímsferð úr Rituvík til Lambar, og gongutúr á Eystursíðuna við Jón Nónklett. 

Nøkur aftuvendandi tiltøk eru eisini í rúgvusmiklu skránni millum annað eitt orðaskifti um móðurmálið, morgumatur fyri íbúgvar í kommununi og stór konsert í Løkshøll. Stóra konsertin bleiv til eina konsertrøð við Sissal Kirkjubø. 

ØLL SKRÁIN FYRI MENTANARVIKUNA Í RUNAVÍKAR KOMMUN KANN LESAST HER.