Gamal íslendskur ísfiskatrolari seldur til Føroya

Ljósafell, ein gamal íslendskur ísfiskatrolari, er seldur til Føroya.

Tað skrivar reiðaríið, Loðnuvinnslan, á heimasíðu síni.

Ikki verður sagt, hvør keyparin er.

Ljósafell er gamalt skip, bygt í 1973 í Japan.

Nýtt Ljósafell

Loðnuvinnslan hevur keypt nýtt Ljósafell, sum fyrr hevði navnið Þórunn Sveinsdóttir.

Tað er bygt í Danmark í 2010. 

Tað hevur júst verið á beding í Havn.

Bæði skipini vóru í havnini á Fáskrúðsfirði í gjárkvøldið.