Norðoyatunnilin 20 ár: Frá mótstøðu til veruleika

Í dag eru 20 ár liðin, síðan Norðoyatunnilin lat upp og knýtti Norðoyggjar við meginøkið. Í dag er tunnilin sjálvsagdur, men soleiðis var ikki, tá hugskotið fyrst tók skap.

Longu í 80'unum varð tosað um fast samband um Leirvíksfjørð. Tað var ein tíð, sum á mangan hátt minnir um støðuna í dag, sigur Jógvan við Keldu. Búskapurin var góður, men mótstøðan móti stórum undirsjóvarverkætlanum var eisini stór.

- Tað var nógv orrusta. Tað snúði seg bæði um kostnað og um, hvørt tað yvirhøvur bar til, sigur hann.

Hóast kreppan í 90'unum setti ferðina niður, doyði hugskotið ongantíð. Tá arbeiðið byrjaði í 2003, var tað eitt úrslit av nógvum politiskum arbeiði og trúfesti.

Jógvan við Keldu vitjaði morgunsendingina, har hann greiddi frá. Øll samrøðan kann hoyrast niðanfyri.