Ljósafell eitur nú Kúrberg

Thor Fisheries hevur keypt trolaran Ljósafell úr Íslandi, og givið honum navnið Kúrberg.

Trolarin hevur heimstað í Havn og var skrásettur í Føroyum í gjár.

Hann er bygdur í Japan í 1973.

Men stórar broytingar vóru gjørdar í Póllandi í 1989 og 2007.

Millum annað var skipið longt.

Japan bygdi tíggju trolarar fyri islendingar fyrst í sjeytiárunum.

Tá Ljósafell var lýst til sølu í mars, var virðismetingin 1,1 millíón evrur, góðar 8,2 milliónir kronur í okkara pengum.