Biður Vørn leita eftir styggjarum

Grindamannafelagið heitir á Vørn um at kanna, um hvalastyggjarar eru aðra staðni við Føroyar enn í Hvannasundi.

Hvalastyggjarar vóru funnir í Hvannasundi fyri tíggju døgum síðani.

Vit vænta, at sama slag av útgerð er løgd út í øðrum firðum í Føroyum, sigur Grindamannafelagið. 

Tí heitir felagið á Vørn um at kanna, um hendan útgerð liggur á botni aðra staðni í Føroyum. 

Serliga verður hugsað um øki uttan fyri hvalvágirnar. 

Fráboðan um styggjararnar, sum vóru funnir sunnan fyri Hvannasund, var send politinum.

Sambært grindakunngerðini er ikki loyvt at seta upp skipanir, sum kunnu broyta atferð hjá 
hvali.