Grindadráp ikki djóravælferð

Uppskotið um grind og djóravælferð, sum tingmenn úr øllum flokkum koma í tingið við fyrst í desember í fjør, er nú komið aftir hagar, men hesa ferð úr landsstýrinum.

Uppskotið skal taka burtur allan iva um, at lógin um djóravælferð er ikki galdandi fyri veiðu og fiskiveiðu, millum annað grindadráp.

Talan er um nágreining í lógini. 

Tingmennninir úr øllum flokkum høvdu uppskot til samtyktar um tað, sum teir kalla at verja rættin at veiða villini djór.

Grindalóg um grind

Teir bóðu landsstýrið broyta lóggávuna soleiðis, at bara grindalógin er galdandi fyri grindadráp.

Ikki lógin um djóravælferð.

Tað uppskotið kom ikki aftur úr vinnunevndini fyri valið, hóast freistin at koma við áliti var 10. januar. 

Sýslumaður og grindamenn eru skuldsettir fyri at bróta lógina um djóravælferð í einum grindadrápi í Hvannasundi í fjør summar.

Politiið kannar enn tað málið, so skuldsetingarnar standa við.