Breddin: Skattur og tøkugjøld í alivinnuni

Ein góð hálv milliard vantar í at taka inn í tilfeingisrentu í alivinnuni.

Inntøkurnar frá alivinnuni hava ligið millum 200 og 300 milliónir árliga síðani 2016.

Skiftandi skipanir hava verið galdandi síðani 2010 - onkuntíð skattur, sum alivinnan vil hava, og onkuntíð tøkugjøld, sum politiskir flokkar vilja hava.

Men í 2024 gjørdi undanfarna samgonga eina breiða semju um leistin, sum skuldi vera ein varandi loysn. Nú skal tað takast inn, bæði við skatti og tøkugjaldi. 

Onkur vildi sagt, at so er eingin glaður. Men politikararnir tykjast nøgdir við, at gjøldini til alivinnuna eru komin í eina fasta legu, sum eingin politiskt fer at broyta.

Men er tað ein góð loysn, spyrja vit í sendingini í dag.

Breddin klokkan 10.