Ferðandi á MV Hondius sleppa í land í dag

Ferðandi á ferðfólkaskipinum MV Hondius sleppa í land í dag.

Skipið hevur havt altjóða áhuga, eftir at fleiri ferðandi vóru smittað við hantavirusi og trý fólk doyðu av virussjúkuni. 

Í morgun legði skipið at uttan fyri sponsku oynna Tenerife, har ferðandi verða flutt í land í havnini í Granadilla.

Tað skrivar DR.

Fyri at avmarka møguliga smittu so nógv sum gjørligt, liggur skipið væl uttanfyri havnina.

Sum er vísir eingin av teimum áleið 140 ferðandi sjúkutekin. Kortini taka spanskir mynduleikar síni fyrivarni fyri ikki at seta nakran í váða.  

Eitt læknalið kannar tey ferðandi fyri sjúkueyðkenni, áðrenn tey verða flutt av skipinum.  

Síðani verða tey býtt í bólkar eftir tjóðskapi og silgd á land í smáum bátum. Harfrá verða tey koyrd í bussum beint til flogvøllin, har tey verða flogin til heimlondini.

Áleið 30 starvsfólk verða verandi umborð og sigla víðari til Hollands, har skipið er skrásett.

Tað verður ein stór uppgáva at flyta tey ferðandi á land. 350 politistar eru til staðar á havnini.