Heilsuhjálparar og KAF fara nú til Semingsstovnin

Meðan tað gongur illa í samráðingunum hjá Heilsuhjálparafelagnum og KAF, letur Starvsfelagið væl at samráðingunum við Fíggjarmálaráðið

Mary Antonsdóttir er forkvinna í Heilsuhjálparafelagnum. Nú er greitt, at bæði Heilsuhjálparafelagið og KAF fara til Seingsstovnin.

Mynd: Bjarni Árting Rubeksen

Jógvan Jákupsson

13.05.2026 - 12:20

Tað gongur illa í lønarsamráðingunum millum Heilsuhjálparafelagið og Kommunala arbeiðsgevarafelagið. Partarnir koma ikki longur og fara á fund við Semingsstovnin í dag.

Øðrvísi er millum Starvsfelagið og Fíggjarmálaráðið. Súni Selfoss, formaður í Starvsfelagnum, væntar ikki, at tað fer at taka langa tíð afturat.

Sáttmálarnir hjá Heilsuhjálparafelagnum og Starvsfelaganum fóru báðir úr gildi 1. oktober.

Í dag klokkan 13 fara Heilsuhjálparafelagið og KAF fara á fund við Semingsstovnin at greiða frá sínum sjónarmiðum. Semingsstovnurin hevur fingið tilfar frá pørtunum, og tað fer so at taka nakrar dagar at gjøgnumganga tilfarið. Eftir tað kunnu vit vænta, at semingsroynd verður gjørd.

Hoyr innslag í útvarpstíðindunum:

13052026_Samradingar_og_semingsstovnur