Enn eru 15 mál í nevnd

Tað ljóðar, at tingið skal í summarfrí næsta týsdag.

Enn eru 15 tingmál í nevnd, eitt hevur ikki havt fyrstu viðgerð, og fimm álit bíða eftir viðgerð.

Løgtingið fer í dag endaliga at avgreiða málið um bensin, diesel og meirvirðisgjald.

Uppskotið var samtykt týdagin, tá onnur viðgerð var.

Tað fekk 23 atkvøður frá samgonguni og Miðflokkinum.

Sámal Petur í Grund og Ruth Vang atkvøddu ímóti og Tjóðveldi atkvøddi blankt.

Eitt uppskot hjá Ruth Vang um at fáa málið aftur í nevnd fall.

Summarfrí

Tað ljóðar, at tingið skal í summarfrí næsta týsdag.

Enn eru 15 tingmál í nevnd, eitt hevur ikki havt fyrstu viðgerð, og fimm álit bíða eftir viðgerð.

Tingfundurin í dag er klokkan tíggju.

Níggju mál eru í skránni.