Gistingarhúsini fullsett næstu vikurnar

Gistingarhúskapasiteturin í Føroyum er samanumtikið nóg stórur, men fleiri stór tiltøk renna saman í løtuni, og tað er orsøkin til, at gistingarhúsini eru fullsett næstu vikurnar, sigur sølustjórin fyri gistingarhúsini í Gist og Vist-samtakinum, Jóhanna Rasmussen.

Gistingarhúsini í samtakinum eru Hotel Føroyar og Hotel Tórshavn í Havn, og nýggja hotellið KG í Klaksvík, sum Gist og Vist skal reka fyri Christian í Grótinum-samtakið, ið eigur hotellið. Tað letur upp í næsta mánaði.

KG í Klaksvík, Hotel í Klaksvík

Jóhanna Rasmussen hevur ikki neyva miðal-gistitalið fyri ferðafólkaháarstíðina summarmánaðirnar seinastu árini, men heldur, at tað er millum 80 og 90 prosent av kapasitetinum. Men restina av árinum eru tølini smá.

Hoyr innslag í útvarpstíðindunum: