Broyta heiti í reglugerð fyri M. A. Jacobsens virðisløn

Eitt heiti í reglugerðini fyri M. A. Jaobsens virðislønirnar skal broytast. 

Barnamentanarheiðursløn Tórshavnar býráðs verður broytt til M. A. Jacobsens virðisløn fyri barnamentan.

Og reglugerðin fyrir hesa virðislønin er skrivað inn í reglugerðina fyri M. A. Jacobsens virðislønir. 

So nú verður bara ein reglurgerð, og ikki tvær, um virðislønirnar.

Onkur onnur broyting verður eisini.

Í reglugerðini stendur, at býráðsvaldu limirnir í nevndini senda fundarboð.

Býarbókavørðurin sendir fundarboð

Nú skal standa, at býarbókavørðurin, sum er skivari hjá nevndini, sendir fundarboð.

Soleiðis hevur eisini verið í roynd og veru.

Í reglugerðini stendur, at virðislønirnar verða latnar á føðingardegi M. A. Jacobsens, sum er 17. september. 

Hetta verður ikki altíð hildið, og tí er orðingin broytt til: ella annan hóskandi dag um heystið.

Býráðið skal taka støðu til broytingarnar í dag.

Mentamálanevndin mælir til at samtykkja tær.