Adrian upp í superliguna

Adrian Justinussen skal spæla í bestu donsku fótbóltsdeildini næsta kappingarár.

Tað er greitt, eftir at AC Horsens tryggjaði sær uppflytingarplássið við teprum 1-0 heimasigri á Kolding. Kristian Kirkegaard sendi eysturjýtlendingarnar til himmals við sigursmálinum í 55. minutti.

Føroyingurin skifti til Horsens úr Hillerød í januar. Landsliðsspælarin var glóðheitur fyri Hillerød fyri nýggjár, men hevði eitt sindur ilt við at finna stevið í nýggja felagnum, sum heldur ikki fekk neyðugu úrslitini eina tíð. 

Tað eydnaðist kortini akkurát at koma við í uppflytingarendaspælið eftir at navnframi venjarin David Nielsen segði upp, og í endaspælinum hava Adrian Justinussen og teir fingið 24 av 30 stigum og flyta sostatt upp saman við Lyngby.