- Tíðindi, mentan og ítróttur
Nýggja stjórnin tekur við í dag
Danska stjórnin fer til Fríðrik kong á Amalienborg í morgun.
Nýggja samgongan millum Sosialdemokratarnar, Sosialistiska fólkaflokkin, Moderatarnar og Radikala vinstra hittir Fríðrik kong klokkan níggju.
Tað skrivar danska forsætisráðið á heimasíðuni.
Á middegi í dag fara so sitandi ráðharrarnir frá, og ráðharrarnir í nýggju stjórnini taka við, skrivar danska kringvarpið.
Bæði sosialdemokratarnir og Moderatarnir høvdu tingbólkafund hvør í sínum lagi á Christiansborg í gjárkvøldið.
- Hóast eingin teirra vildi siga nakað ítøkiligt um, hvørjir nýggju ráðharrarnir verða, vóru sessirnir helst avgjørdir longu í gjárkvøldið, sigur Søs Marie Serup, politiskur viðmerkjari hjá danska TV2.
Politiskir viðmerkjarar meta, at ráðharrasessirnir minka úr 25 niður í 23.
Og Lars Løkke Rasmussen, formaður í Moderatunum, vísir ikki hesum aftur:
