Fleiri nýggir bilar skrásettir í ár

Nú verða aftur fleiri nýggir bilar skrásettir í Føroyum samanborið við sama tíðarskeið í fjør.

Fyrstu fimm mánaðirnar í ár eru 904 nýggj akfør skrásett.

Tað er 35 fleiri enn sama tíðarskeið i fjør. Tá var talið 869. Vøksturin er fýra prosent. 

Fyrstu tríggjar mánaðirnar í ár vóru annars færri nýggj akfør skrásett, men nú tykist vend vera komin í. 

Akstovan hevur eisini hagtølini fyri brúkt akfør, ið eru innflutt fyrstu fimm mánaðirnar í ár.

133 akfør eru innflutt hetta tíðarskeiðið í ár samanborið við 131 sama tíðarskeið í fjør.

Tað vil siga bara tvey fleiri. Vøksturin er 1,5 prosent.  

Sí tøl fyri nýggj akfør her.

Sí tøl fyri brúkt akfør her