- Tíðindi, mentan og ítróttur
Kirkjuráðsformaðurin: Arbeiðið kundi byrjað morgin
Kirkjuráðsformaðurin: Arbeiðið kundi byrjað morgin
Fróði Olsen, kirkjuráðsformaður, sigur, at kravdi triðingurin av byggikostnaðinum av nýggju kirkjuni á Argjum er til, og hann hevur vónir um, at arbeiðið byrjar skjótt
Ætlanin hevur verið, at nýggja kirkjan á Argjum skal standa liðug í 2028, tá Argir verða 200 ár.
08.06.2026 - 11:20
Leingi hevur kjak verið um, hvar nýggja kirkjan á Argjum skuldi standa. Nú er staðsetingin greið. Men kjakið um pengarnar heldur fram.
Tí meðan Bárður á Lakjuni, landsstýrismaður í mentamálum sigur, at kirkjusóknin framvegis ikki hevur tann kravda triðingin av byggikostnaðinum, so sigur Fróði Olsen, kirkjuráðsformaður á Argjum, tað øvugta - nevniliga, at pengarnir eru til, og at arbeiðið í prinsippinum kundi byrjað longu í morgin.
Fróði Olsen. (Mynd av Facebook-vanga)
83 milliónir
Seinasta kostnaðarmetingin ljóðar upp á góðar 83 milliónir krónur, og sambært svarinum hjá landsstýrismanninum, verður einki byggiloyvi givið, fyrr enn kirkjusóknin hevur ein triðing av byggikostnaðinum.
Kirkjuráðsformaðurin sigur, at tey kenna seg eitt sindur kroyst viðvíkjandi tíðarætlanini, tí eftir ætlan skuldi nýggja kirkjan standa liðug í 2028, tá Argir verða 200 ár.
Fróði Olsen hevur góðar vónir um, at farið verður undir arbeiðið skjótt.
Hoyr innslag í útvarpstíðindunum:
08062026_Frodi
Jógvan Fríðriksson. (Mynd: Bjarni Árting Rubeksen)
Jógvan Fríðriksson, biskupur, sigur, at talan er framvegis um ein tulkingarspurning, og tí er einki nýtt í svarinum frá landsstýrismanninum:
08062026_Bispur
Er kopiera
Nýggjastu sendingar í ÚV
Nýggjastu sendingar í SV
