Miðbýartorg á Tvøroyri til næstu mentanarnátt

Eitt miðbýartorg skal gerast á Tvøroyri.

Tað hevur býráðið einmælt samtykt.

Torgið skal eftir ætlan vera liðugt, tá mentanarnáttina verður næsta ár.

Ætlanin byggir á heildaruppskot hjá BRIM arkitektum, og verður framd í stigum. 

Fyrsta stigið leggur serligan dent á vestara partin av økinum, har sambandið millum torgið og parkeringsøkið niðan fyri Sjógøtu skal betrast. 

Tvøroyri, torg á Tvøroyri

Sjúkhúsbrekkan takast burtur

Ein týðandi partur av arbeiðinum verður at taka burtur vegin, sum verður nevndur Sjúkhúsbrekkan, og í staðin gera betri og tryggari gongdarskipan við trappum og øðrum atkomumøguleikum.

Á torginum vera fastir sølubásar, sum vinnurekandi, feløg og onnur kunnu nýta.

Eisini verður gjørdur ein lítil pallur til framførslur, tiltøk og samkomur. 

Harumframt verður torgið útgjørt soleiðis, at møguleiki verður fyri seta upp ein størri pall til serlig høvi, eitt nú tónleikafestivalar, mentanarligar framførslur, almenn tiltøk og aðrar størri samkomur.