Trump hóttir aftur við at bumba Iran

Iran hevur loyvt fyrstu oljutangaskipunum at sigla gjøgnum Hormuz-sundið, nú avtala við USA verður undirskrivað fríggjadagin.

Men endaligur friður millum londini er ikki tryggjaður við avtaluni, tí Trump hóttir framvegis Iran við álopum.

Sambært amerikanska forsetanum er talan um eitt diplomatiskt semjuskjal, sum ikki er endaligt.

- Um mær ikki dámar avtaluna, so fara vit aftur at skjóta og tveita bumbur niður í høvdið á teimum, tí teir hava skikkað sær illa í 47 ár, segði Trump millum annað á G7-toppfundinum í Fraklandi.

Amerikanski forsetin segði tó eisini, at Hormuz-sundið er lutvíst opið, og verður væntandi opið fyri allari skipaferðslu um ein ella tveir dagar.