Seks føroyingar í Champions League næsta kappingarár

Seks føroyskir hondbóltsspælarar skulu spæla um Champions League-steypið hjá EHF næsta ár. Tríggir menn og tríggjar kvinnur.

Hjá monnum er kappingin víðkað úr 16 liðum upp í 24, og hetta hevur millum annað við sær, at trý donsk lið eru við hesa ferð. Umframt meistaraliðið Aalborg vera bæði Skanderborg-Aarhus og GOG við, og tað merkir at Óli Mittún og Jóhan á Plógv Hansen vera at síggja í meistarakappingini næsta ár.

Tað verða Hákun West av Teigum og Füchse Berlin eisini. Føroyski vongurin hevur spælt í finaluni tvey ár á rað, men tíverri er tað ikki eydnast at vinna kappingina enn. Íslendska felagið Valur við Allani Norðberg og Bjarna í Selvindi søktu eisini um pláss, men fingu noktandi svar.

Fyrr hevur kappingin verið skipað við tveimum bólkum við átta liðum í hvørjum. Nú verða í staðin seks bólkar við fýra liðum í hvørjum.

723428244_1420581950100053_2644215149276649889_n-2.jpg

Frítekst tagging: 

Ítróttur

Hondbóltur

Füchse Berlin

Hákun West av Teigum

Champions League

Tvær royna seg fyri fyrstu ferð

Hjá kvinnum skulu tveir landsliðsspælarar royna seg í Champions League fyri fyrstu ferð.

Talan er um Súnu Krossteig Hansen, sum skal spæla við montenegrinska liðnum Buducnost næsta kappingarár, og Maritu Mortensen, sum skiftir úr Høj til Nykøbing Falster í summar.

Harumframt verður landsliðsliðskiparin Pernille Brandenborg at síggja í meistarakappingini annað árið á rað. Í fjør umboðaði hon norska felagið Storhamar, men í ár er strikuspælarin í rumenska stórfelagnum CSM Bucuresti, sum rakk í hálvfinaluna í ár.

Lutakastið verðu 26. juni og kappingarnar byrja fyrst í september.

pernille-1920x1080.jpeg

Frítekst tagging: 

Ítróttur

Hondbóltur

Storhamar

Pernille Brandenborg