KÍ til Luksemburg við eitt máls leiðslu

Oussama Ali og Páll Klettskarð skutu málini, sum tryggjaðu KÍ tepran eitt máls heimasigur á Atert Bissen í fyrra dystinum í fyrsta umfarið av Champions League.

Oussama Ali skallaði KÍ framum, tá eitt lítið korter var spælt, og fimm minuttir eftir steðgin økti Páll Klettskarð til 2-0.

Tíverri fingu klaksvíkingar ikki hildið nullið, tí bert tveir minuttir seinni minkaði Tiago Rodriguez Da Costa um munin til 2-1. 

Bæði liðini høvdu kjansir eftir hetta, men einki mál kom afturat, og tí skal KÍ til Luksemburg í næstu viku við teprum sigri í skjáttuni.