Krav til Bústaðir um serliga bygging

Landsstýriskvinnan í bústaðarmálum hevur gjørt av, at Bústaðir skulu serliga byggja til ung, lesandi og lærlingar, til eldri fólk og til fólk við serligum tørvi. 

Í løtuni verður avtala gjørd við Bústaðir um, hvussu hetta verður skipað.

Bústaðapolitikkur landsins frá 2012 verður endurskoðaður. 

Landsstýriskvinnan ætlar, at húsaleiga skal ikki hækka meira enn prísvøksturin, uttan so, at serligar orsakir eru til at hækka leiguna.

Ætlanin er at kanna, um til ber at gera ein bústaðargrunn til teirra, sum keypa ella byggja fyri fyrstu ferð.

Tey, sum leiga út, kunnu draga 100.000 kr. frá í skatti.

Fyri at eggja til langtíðarleigu heldur enn stutttíðarleigu gjøgnum eitt nú Airbnb ætlar landsstýriskvinnan at broyta hetta soleiðis, at leiguinntøkur upp til 100.000 kr. bara vera skattafríar, um bústaðurin verður leigaður út í 12 mánaðir ella meira enn tað.