Riggar væl at hava ólavsøkuframsýningina í Steinatúni

Nógv fólk hava verið á ólavsøkuframsýningini hjá Listafelagið Føroya, sum er á fleiri hæddum í bygninginum hjá Tórshavnar kommunu í Steinatúni. Listamaðurin Edward Fuglø hevur valt listaverk hjá umleið 90 listafólkum at vera við á framsýningini.

Ólavsøkuframsýningin hevur í mong ár húsast á Listaskálanum, men vegna umbyggingar varð framsýningin í ár flutt oman í Steinatún. Bygningurin hjá Tórshavnar kommunu riggar væl til høvi, og listafólkini lata væl at bygninginum, sigur Regin Vilhelm, kassameistari hjá Listafelagið Føroya. 

Framsýningin í ár er sera fjølbroytt og allir aldursbólkar eru umboðaðir. Aftrat hesum umboðar gongin millum hæddirnar listafólk, ið ikki eru millum okkum meir.

Súsanna Hjallnafoss, sum vitjaði framsýningina í dag, dámdi serliga væl listaverkið 'Sirkus' hjá Trygva Danielsen, men helt eisini, at úrvalið av list annars var gott.