Vil menna strandarrógving í Føroyum

Ovastevna er í Nólsoy um vikuskiftið, og eitt av mongu tiltøkunum á skránni er eitt rógvitiltak, sum Vár Guriardóttir Hansen, heimsmeistari í innandurarógving, skipar fyri.

Við tiltakinum, sum verður fríggjadagin kl. 18 og leygardagin kl. 14, bjóðar hon øllum at royna at seta heimsmet á 100 metrum. Metið hjá Vár er 14,6 sekund, og heimsmetið hjá monnum er 12,4 sekund. Tað eigur sjeikurin hjá Vár, Loïc Schalbetter, sum er úr Sveis. Hann verður eisini til staðar á tiltakinum.. 

Vár ætlar sær at menna sonevnda coastal rógving ella strandarógving í Føroyum, sum verður OL grein í 2028, og savnar pening inn til ein coastal bát. 

Í løtuni er bert ein dupultur "coastal" bátur í Føroyum, og ætlanin er at keypa ein bát til ein persón.

Vár sjálv ætlar sær at miðsavna seg um strandarrógving, og fer í næstum til úrtøku til danska landsliðið í hesari ítróttargrein, sum verður nýggj OL-grein í 2028.

Lurta eftir samrøðuni við Vár Guriardóttir Hansen, sum var í sendingini Summarmorgin, har hon greiðir frá kappingini, sínum ætlanum og um ítróttargreinini strandarrógving:

Til ber at síggja skránna fyri Ovastevnuna á Facebooksíðuni Ovastevna.