B68 sent venjaran til hús

B68 hevur sent venjaran Alexandar Jovevic til hús.

 - B68 hevur tikið avgerð um at enda samstarvið við Aleksandar Jovevic, sum hevur verið høvuðsvenjari hjá besta mansliðnum í ár. Eisini gevst hjálparvenjarin Nenad Saric, skrivar fótbóltsfelagið á Toftum á Facebook-vanganum.

Uppsøgnin kemur eftir tapið fyri Skála á Svangaskarði sunnudagin, sum ger, at B68 í løtuni er fimm stig frá at bjarga sær plássið í Meistaradeildini, nú sjey umfør eru eftir at spæla. B68 er aftast við 15 stigum, 07 Vestur hevur 17 stig, og Skála og EB/Streymur hava 20 stig.

Gongdin hevur ikki verið góð í longri tíð, og toftamenn hava tapt sjey av seinastu átta dystunum í landskappingini, og tað hevur felagið nú tikið avleiðingarnar av.