Framvegis lítið arbeiðsloysi

Arbeiðsloysið var tað sama í juli, sum tað var í juni og mai.

Tað var 0,9 prosent.

Í juli í fjør var tað eitt prosent, skrivar Hagstovan.

Í juli í ár vóru 323 fólk arbeiðsleys, 53 færri enn í juli í fjør.

40 fólk langtíðararbeiðsleys

Í juli vóru 40 fólk langtíðararbeiðsleys.Tað vil siga, at tey hava verið arbeiðsleys í meira enn eitt ár.

Fleiri menn enn kvinnur eru arbeiðsleysir.

Størsta arbeiðsloysið er í Suðuroynni. Tað minsta er í Vágum og Norðoyggjum.

Minsta arbeiðsloysið er hjá teimum yngstu og teimum elstu.