- Tíðindi, mentan og ítróttur
Vænta seinkingar eftir eld umborð á Skipanesi
Vænta seinkingar eftir eld umborð á Skipanesi
Eldur kyknaði í maskinrúminum á nýggja farmaskipinum hjá Smyril Line
Jens Meinarhd Rasmussen, stjóri í Smyril Line
Mynd: Savnsmynd
04.09.2026 - 09:30
– Tað verða seinkingar, men hvussu leingi, vita vit ikki enn, sigur Jens Meinhard Rasmussen, stjóri í Smyril Line.
Skipanes var á veg úr Kina til Føroyar, og var statt millum Taivan og Kina, tá eldur kom í maskinrúmið. Sambært stjóranum varð eldurin sløktur beinanvegin.
Eingin fólkaskaði var. Manningin telur 23 fólk, og øll hava tað gott. Talan er um materiellan skaða á skipinum.
Skipanes varð latið Smyril Line 25. august, og var á veg heim til Føroyar.
Nú skal Skipanes inn í nærmastu havn, har myndugleikar og tryggingarfelag skulu kanna, hvat er hent, og hvussu stórur skaðin er.
– Vit kunnu ikki siga nakað um orsøkina, fyrr enn myndugleikarnir hava kannað skipið og staðfest tað. Síðani skal ein ætlan leggjast fyri umvælingina, sigur Jens Meinhard Rasmussen.
Tí ber heldur ikki til, at siga, nær Skipanes kann halda leiðina fram til Føroyar.
Hoyr innslagið her:
04092026_Skipanes
Er kopiera
Nýggjastu sendingar í ÚV
Nýggjastu sendingar í SV
