Løgtingið fær at vita um hernaðarvenjing

Fyrrapartin fer landsstýrismaðurin í uttanríkismálum at kunna uttanlandsnevndina hjá løgtinginum um hernaðarvenjingina í Vestmanna.

Ráðførsla verður eisini um uttanríkismál.

Venjingin, sum eitur Lion Protector 2026, byrjar í næstu viku.

Men fyrstu fólkini eru longu komin til Vestmanna.

Donsk og bretsk hernaðarfólk fara at hava miðstøð í Vestmanna, meðan venjingin er. 

Væntandi vera okkurt um 80 fólk í miðstøðini á havnarlagnum.

Joint Expeditionary Force skipar fyri venjingini.

Londini í tí samstarvinum eru Bretland, Danmark, Niðurlond og baltisku londini.

Vørn verður eisini við í venjingini.