Vilja yvirtaka politiið um 15 mánaðir

Løgtingið fer at viðgera eina stóra yvirtøku í dag.

Tjóðveldi hevur uppskot um at taka løgreglu, ákæruvald og brotsmálaumsorgan, kriminalforsorg, undir føroyskt ræði 1. januar 2028.

Yvirtøkan fer at kosta 155 mió. kr. í rakstri í 2028, sigur Tjóðveldi.

Viðvíkjandi rættarskipan og dómstólum hevur í fleiri enn einum umfari verið roynt at fáa dømandi valdið undir føroyska ábyrgd.

Í sambandi við grundlógararbeiðið fyrst í hesi øldini var føroysk rættarskipanarnevnd sett.

Men lítið er hent seinastu árini, sigur Tjóðveldi, sum við løgtingsuppskoti fer at skjóta upp at taka  hetta arbeiðið uppaftur.

Tingfundurin í dag er klokkan eitt.