Poul fær kjansin frá byrjan

Poul Kallsberg fær kjansin frá byrjan í Nation League-dystinum ímóti Slovakia á Tórsvølli.

Hann avloysir Áka Samuelsen, sum hevur spælt mestsum fulla tíð síðstu tveir dystirnar, á føroyska veinginum.

Fimm aðrar broytingar eru á liðnum í mun til útidystin í Moldova týsdagin, og tað merkir, at føroyska liðið annars er í somu útgávu sum í heimadystinum ímóti Kasakstan.

Odmar Færø kemur inn fyri Samuel Chukwudi, Martin Agnarsson og Jóannes Kalsø Danielsen koma inn á vongbakkarnar fyri Viljorm Davidsen og Jann Benjaminsen, og Jóannes Bjartalíð kemur inn á miðvøllin fyri Mattias Hellisdal. Í fremstu røð er Petur Knudsen komin inn aftur fyri Adrian Justinussen.

Føroyska byrjanaruppstillingin

Mattias Lamhauge - Jóannes Kalsø Danielsen, Odmar Færø (L), Gunnar Vatnhamar, Andrias Edmundsson, Martin Agnarsson - Poul Kallsberg, Géza Dávid Turi, Jóannes Bjartalíð, Hanus Sørensen; Petur Knudsen.