Sara skoraði tvey í toppdysti móti Køge

Evnaríka Sara Benjaminsen gjørdi vart við seg í toppdysti í bestu donsku fótbóltsdeildini í dag.

Bert 17 ára gamli føroyingurin skeyt tvey mál, tá FC Nordsjælland spældi javnleik í toppdystinum ímóti HB Køge. 

Sara Benjaminsen javnaði til 1-1, tá 12 minuttir vóru spældir, og eftir at navnframa Nadya Nadim hevði lagt Køge framum aftur, javnaði fyrrverandi Skála-spælarin eina ferð afturat til 2-2.

LES EISINI: Stórtalent tikin út til A-landsliðið

FC Nordsjælland, har Kára Sigurðsson eisini spælir, er nummar tvey í A-liguni, fýra stig aftanfyri júst HB Køge og eitt stig frammanfyri Brøndby.

Bæði Sara Benjaminsen og Kára Sigurðsson eru júst tiknar út til føroyska A-landsliðið fyri fyrstu ferð. Tær báðar skulu við til tveir venjingardystir á útivølli ímóti Andorra fyrst í oktober, sum eru liður í fyrireiking til Baltic Cup í Estlandi seinni í vetur.