Debutantar skoraðu í venjingardysti

Bæði Sara Benjaminsen og Kára Sigurðsson skoraðu, tá føroyska fótbóltslandsliðið smurdi Andorra av í venjingardysti í dag.

Stórtalentini úr FC Nordsjælland eru við A-landsliðnum fyri fyrstu ferð, og gjørdu veruliga vart við seg í 5-0 sigrinum ímóti lítla fjallalandinum.

Jensa Tórálvsdóttir legði Føroyum framum fyri steðgin, áðrenn Anna Brændstrup økti til 2-0 miðskeiðis í 2. hálvleiki, og so áttu debutantarnir annars tørn.

Tær vórðu báðar skiftar inn, og Sara Benjaminsen skoraði til 3-0, áðrenn Kára Sigurðsson økti til 5-0 við tveimum málum síðstu løtuna.

Fótbóltskvinnurnar skulu spæla ein landsdyst afturat ímóti Andorra, áðrenn leiðin gongur aftur til Føroyar. Dystirnir eru liður í fyrireikingunum til Baltic Cup seinni í heyst.