Kringvarp Føroya verður leitt av stýrinum, sum er ovasta leiðslan á stovninum. Stýrið hevur ábyrgdina av, at Kringvarpið virkar eftir ásetingunum í Kringvarpslógini og í øðrum fyriskipanum um virksemið á stovninum.

Eftir tilmæli stjórans staðfestir stýrið virksemi stovnsins sum heild og yvirskipaðu meginreglurnar fyri programmpolitikkin í fíggjarárinum, eins og stýrið skal góðkenna og hava eftirlit við stovnsins rakstrarætlan og roknskapi.

Kringvarpsstýrið verður valt fyri fýra ár í senn. Tað er landsstýrisfólkið í mentamálum, sum velur stýrið fyri Kringvarpið.

Myndir: Bjarni Árting Rubeksen

Rógvi Olavson, formaður

Sirið Stenberg, landsstýriskvinna í almanna- og mentamálum, hevur sett Rógva Olavson sum formann í stýrinum fyri Kringvarpið. Rógvi Olavson tók við formanssessinum 1. mars 2023.

Rógvi Olavson er Ph.d.-lesandi í politiskum vísindum á Fróðskaparsetri Føroya. Seinastu trý árini hevur hann staðið fyri skeiðnum ”Miðlar og politiskt samskifti” á Søgu- og samfelagsdeildini.

Hann hevur fyrr millum annað starvast sum journalistur í Kringvarpi Føroya, sum undirvísari á Fróðskaparsetri Føroya og sum fulltrúi á Løgmansskrivstovuni. Harumframt hevur hann sitið sum limur í miðlastuðulsnevndini.  

Útbúgving: MA Sociology (University of Aberdeen), MSc Culture and Society (London School of Economics), MSc Politisk kommunikation og ledelse (Copenhagen Business School).
 

Mathea Hilduberg, næstforkvinna

Landsstýriskvinnan í almanna- og mentamálum hevur sett Matheu Hilduberg sum næstforkvinnu í stýrinum fyri Kringvarpið frá 1. mars 2023. 

Mathea Hilduberg er leiðari í Vinnuframa. Hon hevur m.a. starvast í Bikuben í Keypmannahavn, Eik Banka og hjá Føroya Tele og hevur drúgvar royndir við nevndararbeiði í P/F Vágatunnilin, P/F Eysturoyar- og Sandoyartunnilin, Landsbanka Føroya og P/F Greengate Incoming.  

Útbúgvingar: Cand.merc. frá Copenhagen Business School og fakjournalistur frá Danmarks medie- og journalisthøjskole.
 

Gunvá við Keldu, stýrislimur

Gunvá við Keldu er virkiseigari av Estra/Vasti í Gøtu og Grafia í Klaksvík.

Gunvá hevur verið býráðslimur í Klaksvíkar býráði síðani 2005 og borgarstjóri í Klaksvík árini 2009-2012.

Útbúgving: Miðlagrafikari og Grafonom frá Danmarks medie- og journalisthøjskole.
 

Michael Koba, stýrislimur

Michael Koba er valdur í Kringvarpsstýrið 1. mars 2023.

Hann er filmsframleiðari í KOVBOY FILM og rekur JUST DRIVE-bilútleigan.

Útbúgving: Hotel Management.
 

Høgni Reistrup, stýrislimur

Høgni Reistrup var valdur í stýrið 1. mars 2023.

Høgni er stjóri í fyritøkuni Guide to Faroe Islands og er útbúgvin cand.mag. í miðlavísindum frá lærda háskúlanum í Keypmannahavn og Dublin City University.
 

Annika Eidesgaard, stýrislimur

Annika Eidesgaard er vald í kringvarpsstýrið 1. mars 2023.

Hon starvast sum lærari í Tvøroyrar skúla og hevur verið í starvi síðan 2007.

Útbúgving: Fólkaskúlalærari á Føroya Læraraskúla í 2005 umframt onnur styttri og longri skeið. 
 

Finnur Koba, starvsfólkaumboð í stýrinum

Finnur Koba er valdur at umboða starvsfólkini í Kringvarpi Føroya.

Hann hevur verið í føstum starvi á stovninum síðani 2012. Tey fyrstu árini á Aktuelt og seinnu árini á Mentan.

Finnur Koba er bachelor í miðlafrøði frá Aarhus Universiteti.