- Tíðindi, mentan og ítróttur
Ljóarin
Fyrst í sendingini hitta vit Finnur S. Olsen og Hans Jacob Hjelm, ið báðir eru týðandi aktørar á føroyska dansibandpallinum.
Teimum á baki tosa vit við Heidi Stavrum, professara, ið hevur granskað dansibandmentan og dansibandtónleik, og hevur gjørt drúgva ritgerð um evnið.
Sera nógv fólk høvdu leitað sær í dans í Ítróttarhøllini á Hálsi leygarkvøldið, tá ið Finnur S. Olsen, Hans Jacob Hjelm við orkestri, og kenda norska dansibandorkestrið Ole Ivars spældu. Vit vóru á staðnum, har ið vit tosaðu við fleiri av gestunum.
Eisini loddaðu vit dýpið í Losjuni í Gøtu, har ið fólk, ið elska at dansa, hittast hvørt fríggjakvøld at dansa afturvið tónum frá Upp á tá.
At enda í sendingini skifta vit orð við sangaran, bassistin og sangskrivaran, William Kristoffersen úr Ole Ivars. Og hann sigur okkum eitt nú søguna um ein hin kendasta dansibandsangin yvirhøvir, Jag trodde änglarne fanns.
Tú kanst hoyra sendingina her!